Chor - Ek anokhi kahani




Anokhe chor ki anokhi kahani

Best ever story in Hindi 



Aaj ki is bhag - daud bhari zindagi me log apne aas - paas k halaat se bekhabra hote ja rahe hain .
Har insan sirf apne bare me soch raha h kisi k pas itna waqt nahi k wo dusro k dukh,dard k bare me soch sake aur unki madad kar sake .

Is Dunia me Aise bahot se log aur bache h jo ghareeb hone k sath sath apne jism k kisi n kisi hisse se lachar aur majboor hote hain .
Hamare aas - paas bhi aise kayi
log honge jinhe ham aksar dekhte honge lekin ham unki madad krne aur hausla badhane k bajae unse bach kar nikalte hain .


Bas addon , rail platforms aur lagbhag sabhi jagaho par aise bhot se ghareeb bache dekhne ko milte h jinki halat achi ni hoti .

Fate huye , purane , maile - kuchaile kapde pahne ye bache kuch na kuch mangte rahte hain jinme kuch hi aise achhe log hain jo unhe kuch na kuch dete hain .




Agar aapki position achi h to apni position k mutabiq aapka farz hai k ghareeb aur mazboor logon ki madad ki jaye .
Aapki thodi si madad se kisi ghareeb ki bahot si mushqile aasan ho sakti hain .


Bahot se aise chhote bache jo ghareebi aur bhookh ki vajah se koodedan aur aisi hi gandi jagho se koode chunte huye dekhe jate hai.


Ye kahani aise hi 2 chhote aur masoom gareeb bachon ki hai .


Ise ignore karne se pahle ek bar zaroor padh lien Qki is chhoti si kahani me ek bhot badi seekh hai ...



Do gareeb masoomo ki kahani


 
                      






Subah savere ghar se niklna aur fir ghanto baad lautna ab uski aadat ban chuki thi. Magar shayad aaj kisi ne uska peechha kiya tha .

Aur yeh aadat ?
Yeh aadat use padi kaise ?

Pahle pahal to wah ghar se nikalta aur aas-paas k banglon k beech se hota hua badi sadak tak pahunchta .
Fir sadak paar kar k purane aur kharab haalat k makano k beech ek gali par seedha chalte-chalte khule bazar tak pahunch jata jaha ki raunaq aur bheed use achhi lagti.

Magar ek din na jane kyu wah purane makano k beech wali gali chalte - chalte bazar se pahle ek khas jagah par bayen taraf (left side) mud gya tha .
Aur fir thodi hi door use wah koode ka dher nazar aaya tha jahan ab wah rozana jata tha .

Isi koode k dher par use wah dono khelte huye mile the jinse ab wah rozana khelne jata tha .
Chhote chhote hath , nange paon , masoom chehre aur shararti aankhein .

Pahle din to wah unhe door se hi dekhta raha.
Wo kabhi apne chhote chhote hatho se koode ko kuredte aur unme se milne wali chizon aur samano ko apni badi badi neeli boriyon me dalte ( Wo boriyan jo unse bhi jyada badi maloom hoti thi . Aur Un boriyon ko jab wo apne qamar par laadte to poori n uthtin aur zameen par ghistati rahtin ) , aur kabhi sab kuchh chhod kar khel kood me lag jate , ek doosre k peechhe bhagte , ya kisi dabbe ko gend bana kar khelne lagte .

Unko ek doosre ko baar baar pukarne use yah bhi andaza ho gya k lambe qad magar chhote balon wala jameel hai , aur chhoti c chadar sir par odhne wali jameela hai ( yah chadar jagah jagah se fati huyi thi kabhi kabhi sarkti huyi Jameela k kandho par aa jati aur kabhi khel k dauran bilkul hi zameen par padi hoti , tab uske lambe bhoore bal saaf nazar aate ).

Pahle din use yah bhi andaza ho gya tha k wo dono kam aur khel k beech use teerchhi nazro se uski taraf dekh rahe the .
Dusre se din se wah bhi unke sath khelne laga tha .

Fir wah din bhi aya jab usne unhein ladte huye dekha .

Us din jameel ko koode k dher me se kharab angooron ka ek guchchha mila tha jinme ek dana bilkul saaf tha .
Jameel is saaf dane ko dekh kar khushi se uchhla tha aur Jameela us ki taraf bhagi thi.
Apne angoor k dane ko bachane k lie Jameel ne Jameela ko dhakka diya tha .

Wah muh k bal giri thi aur bahot zor se royi thi .
Tab Jameel guchchha chhod kar Jameela ki taraf bhaga tha aur fir apne fate huye kurte k kone se usne Jameela k muh se bahte bahte huye khoon ko roka tha aur apne hath se Jameela ko angoor ka dana khilaya tha .

Dana kha kar Jameela apna dard bhool gyi thi aur us k nanhe chehre par ek khas taazgi aa gyi thi .

Yah jhagda , yah khoon , yah taazgi us ne un dono se kuch fasle par baith kar dekhe the .

Aur shayd isi lie agle din ghar se nikalte huye us ne ek aisa kaam kiya tha jo us ne pahle kabhi nahi kiya tha .
Us ne apne hi ghar se chori ki thi . Aur fir karta chala gya tha .

Mehman khane ( guest room) me chhoti mez par rakhi phalon ki tokari se angooron ka ek guchchha gagab karta aur un dono ko lakar de deta .
Taza angoor kha kar wo dono bahot khush hote .
Khushi se uchhlte - koodte aur hanste .
Hanste - hanste un k chehre laal ho jate . Us ne aisa laal rang is se pahle kuch jhoomte paudho aur patto par hi dekha tha .

Chori , khel , aur ghar wapsi yah silsila ab tak bina kisi rukawat aur rok - tok k chalta raha tha .
Magar aaj hawa me bikhra kuch alag paigam tha aur uski chhti his ( common sence ) use khabrdar kar chuki thi .

Ghar pahunchte hi badi malkin us par baras padi . Chhote malik ne uska peechha kiya tha aur ghar aakar sab kuchh bata diya tha .


Tony ne pahle to dum (tail) hila kar aur halki awaz me bhaunk kar badi malkin ko khush karne ki koshish ki . Fir darr k aalam me gale k andar hi andar gurrata huwa unke samne zameen par baith gya .
Magar badi malkin ka gussa kam na huwa aur unhone dantte - dantte use patte se pakad kar ek zanzeer se bandh diya .

Is se pahle use bahot kam is zanzeer se bandha gya tha . Kayi dino tak usne is mushibat se jaan chhudane ki bharpoop koshish ki aur bhaunk - bhaunk kar shor machata raha .

Jameel aur Jameela angooro par lad rahe honge , Jameela gir jaegj aur k muh se khoon niklega , dard hoga wo royegi .
Magar kisi ne bhi uski taraf dhyan nahi diya aur fir dheere dheere us ka shor kam hone laga .

Fir wah waqt bhi aaya jab wah un dono ko poori tarah bhool gaya . Ab wah sirf ghar k chhote maliko k sath khelne laga tha .


Ab bahar koode k dher par Palte , Khelte , Ladte aur kharab angooron me saaf dane talash karte Jameel aur Jameela ka khyal use bilkul nahi satata tha Qki ab wah insano k taur tarike seekh chuka tha .....








To dekha aapne k kaise ek janwar un bhooke aur ghareeb bacho ki madad karta hai .
Ham to fir insan hain kya hamara farz nahi k ham bhi aise ghareeb aur bhooke bacho ki madad karein ???

Ye sawal aap apne aap se puchein jawab aapko khud mil jaega ...



Aakhir me mai yhi kahna chahunga k agar aapko ye kahani pasand aayi to ise apne aap tak na rakhe .
Ise apne friends aur relatives k sath bhi share kare taki unhe bhi ek seekh mil sake .

Aapka ek share se aise hazaro bacho ki zindgi Aasan aur khushhaal ban sakta hai ...

... Thank You ...

Popular posts from this blog

Ab bhI bheegi barish me wo

Ab mai chai peeta hu

Sone ka sandook - The golden box