Meri aankho ko soojhta hi nahi

Meri aankhon ko soojhta hi nahi
Ya muqaddar mein rasta hi nahi

Woh bhare shehar mein kisi se bhi
Mere baare mein poochhta hi nahi

Phir wohi shaam hai wohi hum hain
Haan magar dil main hausla hi nahi

Hum chale uski bazm se uth kar
Aur woh hai ke rokta hi nahi

Dil jo ik dost tha magar woh bhi
Chup ka patthar hai bolta hi nahi

Main to us ki talash main ghum hoon
Woh kabhi mujhko dhoondta hi nahi .